مثبت : من قال لا اعلم فقد افتي !!!!!!!!!!!!

[size=25]بسم الله الرحمن الرحيم

سالت واحد بيغنيه بقاله سنتين بدون ذكر اسماء بقوله سمعت الجمله دي قبل كده كانت الجمله ايه بقي

(غني من بطنك ) بصراحه كان رده لذيذ جدا قالي انا سمعت غني من قلبك

طب ده واحد عايز يبقي مطرب بجد المجاملات كتر قوي وماحدش بقي يفيد حد واللي عنده ملعومه بيخيبها

المهم انا من هنا جاتلي فكره التوبك ده قولت هاعمل موضوع هنا هايبقي دليل عن المعلومات الفنيه

يعني اكيد فيه معلومات عايز عارفنها وعايزين نتاكد منها بس مش لاقين مكان نقول فيه ده مافيش قسم

ولا موضوع لكده المهم هنا اللي عايز يتاكد من معلومه او عايز يعرف ملعومه عن

الكتابه التلحين التوزيع الغناء واخيرا هندسه الصوت

كلنا نرد علي بعض بس ياريت اللي يرد علي قدر المستطاع يجيب دليل علي كلامه سواء كان اغنيه او

فيديو او كتاب اي كانت الوسيله المهم نستفاد من معلومات بعض والدليل ياريت يبقي موجود علشان

موضوع الامثله هايسهل وصول الفكره للمزيد من الناس وهايخلي الموضوع لذيذ

بس ياريت اللي مثلا عايز يحط اغنيه يراعي الاتي

ماكنوش عليها اي اسم سايت تاني لكن لو فيديو ف كده الامر صعب عليه يشيل اسم السايت بس علي قدر

المستطاع الحاجه تبقي باسم تامر لافرز

نخش بقي ف المهم

انا هابتدي الموضوع بشويه معلومات عن الغناء لانه ده قسم موهبين الغناء

الناس اللي بتغني فيه شويه حاجات صغيره معظمها مش صعب يعني وهي دي الفارق بين الموهوب

والمحترف انا هابتدي واقول اللي انا عارفه

1- السجاير بالنسبه للمدخنين هي تاثيرها اولا ع النفس طبعا بتخلي النفس يبقي قصير ثانيا بقي ضررها
الاكبر انها بعد كده بتاثر علي صحه الانسان المدخن والمغني اساسا اهم حاجه انه يحافظ علي صحته
لان اكيد من الطبيعي لو المغني صحته نزلت يبقي مستواه ف الغناء هايتبعها ف النزول

2- السهر بقي وده يمكن اضر من السجاير لان دي متاحه ومحببه قوي عند الشباب اولا هرمونات النمو
بتتفرز اثناء نوم الانسان وخاصا من الساعه 10 بليل لغايه 2 صباحا وطبعا عارفين ان المفروض
عدد ساعات نوم الانسان الطبيعي من 6 ل 8 ساعات ويفضل انه يكون فيهم الاربع الساعات اللي تم ذكرهم

3-فيه شويه حاجات بقي ف الاكل والشرب ياريت يتم الابتعاد عنهم او التقليل منهم علي قد م نقدر يعني

اولا نحاول نقلل من الحاجات اللي فيها شطه ,الشيكولاته,اللحوم,الالبان,الشاي,القهو............ ...وغيرهم بقي اللي يلاقي حاجه غير دول بتاثر علي صوته ياريت بتعد عنها

الحاجات اللي ياريت يتكتروا منها اللي بيغنوا الخضروات والفاكهه والعصائر واكيد شرب الماء ضروري
جدا خاصا ف الصيف المفروض الواحد يشرب 2 لتر ف اليوم

دي الحاجات اللي خاصه بالاكل والشرب اللي انا عارفها

نخش بقي ع الحاجات الاساسيه اللي المفروض اي حد بيغني يبقي عارفها

اولا كيفيه الغناء بكامل صوتك يعني تطلع صوتك الحقيقي ازاي لان فيه ناس كتير للاسف بتغني باصوات
غير اصواتها ودي بيتقال عليها اصوت مستعاره ويا عيني مايعرفوش انهم كده ظالمين نفسهم

1- اللي صوته شبه حد ياريت بلاش يغنيله اساسا خالص والدليل والناس اللي عارفه اخبار الفن اكيد
عارفين كلامي ده لما سائلوا واجل جسار ايه اهم اسباب اللي انت شايفها قدت لنجاحك رد قالهم اعلان
تمردي علي جورج وسوف لانه كان بيغنيله كتير وكان ف بعض الاوقات بيجب طبقات صوته

2- ازاي بقي تقعد صح او تقف صح وانت بتغني
يبقي صدرك مرفوع لفوق شويه مش قوي يعني مش كاني رايح تتخانق لا عادي مايبقاش ظهرك محني وبطنك مش متنيه وتكون راسك مروفع سنه بسيطه قوي لفوق

3- هاتغني ازاي بقي وهاتغني ايه
علشان تبقي مغني صايع اول حاجه اهرب م الاخطاء اللي ف صوتك يعني مثلا واحد عنده حرف السين
مش كويس مايروحش منقي اغنيه كلها لسه بحسك وسيبتي سنه ويفضح نفسه لا يبقي فيه زكاء
وتختار الاغاني اللي تحس انها هاتبين صوتك يعني وانت بتغنيها تحس ان انت راضي عن نفسك ومستواك
ياريت نشوف البنوته الضغيره دي بتغني ازاي
شوف من هنا

ونشوف دول كمان مش عارف كل اللي لاقيتهم بنات بس مش مهم اهو يبقوا نفعونا بحاجه
اول فيديو

تاني فيديو

4- بقي ازاي تتنفس وتخلي نفسك خارج من بطنك
اولا لازم تبقي واقف او قاعد صح زي م قولت قبل كده
ثانيا وانت بتاخد نفسك تحس انه طالع من بطنك يعني تحس ان عضلات بطنك هي اللي متحكمه ف الموضوع مش صدرك وبعدين لو حسيت ان او لاحظت ان كتفك بترفع وانت بتتنفس ف وسط الغناء
يبقي كده انت دخلت المرحله الخاطئه ف النتفس يعني نفسك كده واخده غلط ومش مريح نفسك وانت بتغني
وجبت فيديوهين يشرح الموضوع برده

اول فيديو

عن كيفيه تدريبات النفس وازي تعرف نفسك كويس ولا لأ
تاني فيدو

5- العرب اي الحليات
العرب بقي بتختلف من انسان لتاني والعربه دي يعني الحليه اللي بتعملها وانت بتغني ودي موهبه ومالهاش
دراسه او حاجه تضيف جديد علي صوتك بس ليها تمارين ازاي تطلع كل العرب اللي ف صوتك وتحسن من ادائك ليها ............ من الحاجات دي ان انت وانت بتقول العربه صوتك يبقي ثابت بمعني ان جنجرتك
مش ترترعش وانت بتقول العربه وادي فيديو لشرحها برده

شوف من هنا

وهايبان قوي من الفيديو ان العربه دي تحكم ف الصوت مش تهز جسم علشان تقول عربه لان البنت
بتغني وبتقول عرب وهي بترقص افتكر مافيش حلاوه تاني بعد كده

6- الجراءه والتاكد من مستواك
اوعي تغني اغنيه انت مش حافظ لحنها مهما كنت حاسسها ولازم تبقي حافظ الاغنيه صح قوي قوي قوي

7- التقليد او تقلد حد وانت بتغني مهما كنت متاثر بيه وخاصا الاصوات اللي فيها بحها زي عدويه
وهيثم شاكر ولوئ لانه انت لو حاولت تجيب ده بصوتك صوتك هايتجرح وكمان هايبقي فيه كسره ف صوتك مش هاتقدر تقول الحاجات للي عاليه ف الاغاني بعد كده

8- بقي واخيرا مش اي حد تاخد رايه وتصدق بيها لازم تفرق بين المستمع العادي واللي شغااااااااال فالمزيكا وبيقولك بدليل وكلام علمي ومش عيب لو قولته مش فاهم فهمني

ف نهايه الكلام انا اسف لو رغيت كتير او زياده عن اللزوم ومستني ارائكم ونتاكد من معلومات بعض
ونشوف ونسمع الابدله والامثله علشان نسهل علي بعض وف النهايه بقولكم اي حد شايف حاجه غلط ف كلامه ومعاه مثال يدل ان انا غلط يحطه علشان يعملني ويشيلني من جهلي واهو يبقي خد ثواب برده

سلاااااااااااااااااااااااااااااام
خلاص يا جدعان مافيش حد هايرد ردود رخمه ولا هايتفلس ويقول كلام انتوا مش فاهمينه
[/size]