مثبت: ~¤®§( قسم طلبات اغانى الموهوبين _اطلب الغنوه بصوت موهوب )§®¤~ ‏

أولا حبايبى وحشتونى جدا جدا جدا
انا جايب فكره النهارده ماعتقدش انها اتعملت قبل كده فأى منتدى موهوبين
ندخل فالموضوع على طول

كام واحد فينا بيبقا نفسه يسمع غنوه معينه من موهوب معين وبيتكسف يقوله
وكام واحد لما بيجيى يغنى مش بيلقى محفز وبيحتار كمان فالاغنيه اللى هيسجلها
كل ده ساعدنى فعمل التوبيك ده
يعنى هنطلب غنوه معينه للموهوبين انهم يغنوها
وشوف بقا لما نسمعها من كذا موهوب ونشوف طريقته فيها ونتعلمها منه ازاى
ده كده والله هنتعلم منهم ازاى بيغنو وهنستفاد أوووى
بس فى حاجه ؟؟
الغنوه اللى تطلب تبقا فحدود المعقول وتبقى فمستوى صوت الموهوبين يعنى ماحدش يتفزلك ويطلب اغنيه من السهل الممتنع زى مابيقولو
كمان لو فى اغنيه مطلوبه نصبر شويه لغايت معاد الاغنيه يخلص ونبتدى فترشيح الاغنيه اللى بعدها
الترشيح هيكون على اساس طلبات الاعضاء هناخد رأى الاغلبيه وبعدين هنرسى على غنوه معينه
كمان مطربينا البنات فالقسم هيكون ليهم دور وهيغنو برده
وفرصه نخليها تولع وبكده نبقى عملنا تنافس شريف من اجل نكون ألاحسن
واتعلمنا برده ازاى نغنى
والله ياجماعه فى مواهب مابينا بتبقا مكسله انها تغنى وتسمعنا صوتها
وكمان مش عاوزين حد يطلب غنوه من عضو معين عشان ميتعبهوش وكل واحد وليه ظروفه
كمان مش عاوزين نعمل وجه مقارنه بين عضوين مثلا مغنيين نفس الغنوه ونقول فلان احسن من فلان
يعنى هنبقى حريصين على الحب اللى بينا وتبقى منافسه شريفه
وهنفتتح التوبيك بفنانا المتواضع هانى حسن
انا كنت طلبت منه غنوه وهو وعدنى بيها
اغنيه تلات سلامات لمحمد قنديل
وهو فرصه نسمعها من اغلب الموهوبين
وأدى لينك تحميل اغنيه تلات سلامات بصوت محمد قنديل عشان اللى مش يعرفها
اضغط هنااااااااا
مستنين ايه سمعونا صوتكو بقا ؟؟؟؟؟
اّخر معاد للمشاركه بالغنوه الساعه 24:00 يوم الخميس 27/12/2007 يعنى صباح يوم الجمعه

ياريت كمان اللى يسيب رد يقول على الغنوه اللى نفسه يسمعها عشان اول ماننهى اول اغنيه نعمل استفتاء لطلباتكو ونحدد الاغنيه اللى بعدها

[center]مع تحياتى : خالد إمام
رؤيه فنيه واشراف فنانا المتواضع الموهوب : هاني حسن

وأدى اول أغنيه فقسم الطلبات (تلات سلامات ) بصوت :-
1_هانى حسن
2- امل المغربيه (قلب تامر حسنى )

وأدى الاغنيه التانيه فين الحبايب لخالد سليم :-
1- محمد تامر
2 - خلود (khoukhetta)

وأدى الاغنيه التالته فاتت جمبنا للعندليب ألاسمر عبد الحليم حافظ :-
1-بصوت محمد على

[size=21]وأدى الاغنيه الرابعه الحب اللى كان لمياده الحناووى :-
1-بصوت محمد على

[center][size=21]وبناء على طلب ألاعضاء
وبناء على الاستفتاء نقول الاغنيه الجايه المطلوبه من الاعضاء
أغنيه روح لفضل شاكر
اّخر معاد لاستلام الغنوه الجمعه 4/7/2008 الساعه 24:00
وياريت لغايت الجمعه الجايه ترشحو غنوه جديده عشان برده نسمعها باصواتكو يالا بقا انتشرووووو
[/size]

[/size][/center]